فى رمضان اكل اطيب بزيت اقل تعالي اقول لك كيف بالصور

السلام عليكم ورحمه الله


اخواتي انتم عارفين بعد ايام ان شاء الله بيجينا رمضان
وتكثر فيه المقالي والسمبوسه والقطايف
وكثير منا لاسباب متعدده مايبى القلي بس فى نفس الوقت لا يحب نكهة السمبوسه والقطايف فى الفرن وانا وحده منهم
فانا حاولت افكر فى طريقه بديله والحمدلله النتايج مرضيه
وقلت لازم اشرك اخواتي



نجي للسمبوسه فى الفرن تطلع تقريبا كذا فى الفرن


انا صرت بعد ماالف السمبوسه اخليها على جنب الى وقت الفطور بعدين اكون مذوبه 3ملاعق زبده
فى صحن اكسر عليهم بيضه واخفقهم سوى


بعدين بالفرشه على السمبوسه ادهنها زين واحطها فى صينيه وادخلها الفرن مش فى الرف العلوي لا فى الرف الوسط واشغل الفرن من فوق واخليها تاخذ وقتها منها تحمر بشكل جميل ولا تكون على شكل لسع فى السمبوسه ومنها انى اعطيها الوقت علشان الحشوه تحتمي داخل السمبوسه
وتحصلي على سنبوسه قليلة الدسم وجميله النكهه




اما القطايف


فانا بصراحه لا احبها مقليه لانها تشرب الكثير جدا من الزيت
ولا احبها بدون قلي عصفيري زي الي بالصوره
وكان الحل اني بعد ما اخلص من حشوا القطايف اخليها فى الثلاجه
لحد ما احتاجها

بعدين اجيب مقلايه واحط فيها ملعقه زبده +ملعقه شيره (قطر)

واخذ ثلاث حبات من القطايف اقلبها على مهل فى المقلايه حتى تحمر من كل الجهات واصفها واقدمها على طول
بس الطعم احسن بكثير من القلي


وشي اخير بقول لك عنه
بدل دهن الصياني للاشياء الي تدخل فى الفرن
استخدمي SILPAT

وهى عباره عن قطع كانها بلاستيك
تفرش على الصياني وممكن قصها على حسب الصياني الي عندك
بس انا اول ختها وبعدين دورت الصياني الي مقاسها (لان كل المقاسات من الصياني موجوده)

تفرشيها فى الصينيه وتصفي اي شي تبينه وتدخليها الفرن وبعد ماتخرجيها تمسحيها او تغسليها بمويه وصابون وتلفيها وتدخليها فى الدرج [IMG]http://tbn0.google.com/images?q=tbn:H92KIxDYTlXKcM:http://www.********instuff.com/product_thumb.php%3Fimg%3Dimages/silpat1.jpg%26w%3D250%26h%3D239[/IMG](انا ماادري وين تنباع فى السعوديه او الدول العربيه بس ماحبيت احرمكم من هذي المعلومه ولاعتقادي ان كل شي موجود فى فى الدول العربيه)


اما الكيكات فانا انصح على الاقل استخدمى البخاخ وخاصه الي بالطحين
لرش صواني الكيك


فهى ادق وتدخل فى منحنيات الصينيه وتطلع لك كل تفاصيل الزخرفه بشكل واضح





دمتم بصحه وسعاده جميعا