 السطر الأخير......................
السلام عليكم ورحمة الله وبركاته
بسم الله الرحمن الرحيم
.
.
.
السطر الخير
.
بين الرجا والياس مدري كيف تحديد المصير
اختار في هذي واضيع بين ذيك وبين ذيك
آعاند افكاري واروح ابعيد وارجع واستشير
والمشكله عقلي رفض حبك وقلبي مهتويك
ياللي بعشقك همت واقدامي على دربك تسير
ارحـم فوادي لاتضيـعني دخيل امك وابيك
ضايع بدونك في فصول العمر والواقع مرير
وانـت اتحدّاني وانا بغلى سنيني مشتريك
عشـت برفـاهيّـه وانا عيشتنـي في زمهريـر
واحرمتني من شربة اوصالك وغيري مرتويك
كتبتني في صفحة الماضي على السطر الاخير
وانا حلمتك حلم وآمالي معلقها عليك
ماتذكر انك قلت عندك قلب وان عندك ضمير
وانك مصافيني وقلبك مامعه غيري شريك
ماتذكر اني قلت لك عمري معك شكله قصير
وان نظرتك متغيره واحزان كل الناس فيك
ماقلت لك كل الكلام اللي على الواقع يصير
من شفت عينك نازله واسلوبك الرث الركيك
نسيتني صدفه وانا وضعي من اسبابك خطير
عسى الذي خلاك تنساني يردك ويهديك
ابا انتظر لين ايشافى الجرح والعظم الكسير
وآقف على درب الهوى المهجور بالورد احتريك
وابا انتظر حتى يموت الورد في كف الضرير
وابا انتظر حتى يجف الدمع من حزنه عليك
| 
المواضيع المتشابهه 
![[ Thanks Pink & Candy 3hood ]](http://www.s3a3.org/vb/images/Pink-Candy/Pi-Ca-11.gif)
![[ Thanks Pink & Candy 3hood ]](http://www.s3a3.org/vb/images/Pink-Candy/Pi-Ca-30.gif)
![[ Thanks Pink & Candy 3hood ]](http://www.s3a3.org/vb/images/Pink-Candy/Pi-Ca-19.gif)
العرض العادي
