قصيدة شخص يطلب من صديقه ان يحب محبوبته,, والسبب000

شموخ الخيل · 10-08-08, 01:07

هذي قصيده كتبها واحد اسمه خالد يكلم فيها صديقه ويقوله ابيك تحب البنت الي احبها وتعشقها

وتنسيها شي اسمه خالد .؟

بتسالون ليه خالد سوا كذا ؟؟ خالد سوا كذا لانه درى ان فيه مرض وبيموت **

ولا يبي البنت الي يحبها تضيق بها الدنيا من فراقه عشان كذا وصى صديقه يحبها **ويكرهاا بشي اسمه خالد. <<وين الحب هذا الحين

اقرو القصيده وتعرفون معنى الحب الصادق :::

وصاتي لك من بعدي تموت فيها على شـاني ...... ابيها تعيش وتحيا بك واضل بالذاكره مفقود

وصاتي لك تنسيها ملامح وجهي وتنــساني ....... وتعزف لها قصيده حب على عكس عزف العود

وصاتي لك تبعدها عن اشعاري وقيــــفاني .... تراها مغرمه بالحيل ويشهد لي عدد الردود

وصاتي لك تسايرها ترى فيها من احزاني ..... طلبتك لا يضيق بالك طلبتك والطلب مردود

وصاتي لك تناديها حياتي وعمري وازماني ..... انا عودتها دايم ادلعها وانا موجوووووود

(وصاتي لك تعاملها بطيبه قلب واحسان .... تراها تذرف الدمعه ودمعتها بليا حـــــــــدود )

وصاتي لك تحفظها سور وايات قرآني .... وتخبرها عن الميت رحل ولايمكن بيعوووود

وصاتي لك ترسمها على قبري و اكفاني .... ابيها لوحه تبقى على طول الزمن محـــــــدود

وصاتي لك تقهويها من دلالي وفنجاني .... ترها تعشق السمرا ويكفيها دخون العود

وصاتي لك تركبها على خيلي وعلى حصاني .... وربي فارسه من قلب شهاده ماهي لشهود

وصاتي لك تسفرها بلاد الشام ولبناني .... . ترا يحلى لها تقطف ورده من بلاد ورووود

وصاتي لك تراقصها على الحان رحباني ... ترا فيها عرق خاله وفيها من جنون السود

وصاتي لك تحببها فبونوره بعد هاني .... وتنسيها ندم غلطه انا فيها ترا المقصود

وصاتي لك تكرهها في تاريخي وعنواني ... ابيها تلعن اللحظه وتعلن كل فرح موعووود

وصاتي لك تكلمها من المجني ومن الجاني ... وتخليني انا الظالم وانا من حرق الاخدود

وصاتي لك تشبهني بدم احمر فاني .... وانا القاتل السفاح مجرم من عصر نمروود

وصاتي لك تحلفها تتوب تجدني ثاني .... ترا يكفيــــــــها ماعنت ويكفي حيلها مهــــــدود

وصاتي لك تنسيها وصيه قالها انساني ... انا اخبرك موقـــــف وانت قدها وقــــدود

صديقي مالقيت غيرك يعرف وشلون تنساني ... امانه ضمها بقلبك ترا خالد رحل ولابيعود

ملطوووش

شمعة حياتي · 10-08-08, 02:28

الله يرحمه ويرحم اموات المسلمين جميعآ
يعطيك الف عااافيه على القصيدة المؤثرة جدآ

swera · 10-08-08, 02:37

ياليتـ ألقى رجالـ مثلـ هذا يحبنيـ

يعطيكـ العافيهـ

منتظرينـ جديدكـ

شموخ الخيل · 10-08-08, 02:49

شمعه حياتي و سوير مشكورين على مروركم وتعطير صفحتي بردودكم

sousou_123 · 10-08-08, 08:39

يسلمووو

صح لسانك ولسان قايلها ..

يعطيك ربي الف عاافية ..

dhome · 11-08-08, 05:22

يعطيكي العافية
قصيدة في قمة الروعة

MaZyOoNa · 12-08-08, 07:17

يعطيكي العافية احلى الاسامي

شموخ الخيل · 13-08-08, 02:41

مشكورين على ردودكم ونورتو الصفحه

FARFOoORH · 14-08-08, 06:32

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

شموخ الخيل · 14-08-08, 08:30

مشكوورة على الترحيب فرفورة

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

قصيدة شخص يطلب من صديقه ان يحب محبوبته,, والسبب000

شعر - قصائد - الشعر النبطي -Lyrics