^^oo^^اللهجة الحجازية ^^oo^^ لا تفوتكم !!

الجوهرة اللامعة · 25-12-07, 07:41

موضوع عجبني مرة بما إنه يتكلم عن اللهجة الحجازية وأنا من الحجاز

فحبيت إني أعرضه عليكمـ وطبعاً أضفت عليه إضافات ورتوش من عندي

(( ورح أوضحلكم ايش اللي كتبته وايش اللي نقلته حفظاً للحقوق ))

مقدمة - تعريفية- باللهجة الحجازية : << منقول

لهجة أهل المنطقة الغربية في السعودية وتتمركز بالذات في مكه وجده والمدينة
والقرى القريبة منها اكثر من باقي المدن اللي في الغربية وهي لهجة تأخذ مناللهجة
البدوية(الخليجية) و اللهجة المصريةوالشامية وكتير غيرها ..
وطبعا تختلف لهجة العجايز عن الجيل الحاضر ..
وكمان ما ننسى اناللهجةالحجازية فيها الكثير من الأمثال القيمة.

أول شي ببدأ به هو نطق الحروف: << من عندي

طبعاً الحروف كما هو معروف في اللغة العربية نطقها واحد لكن في لهجتنا الحجازية عندنا ( ث ، ذ ) نطقهم يختلف تسهيلاً للنطق ..

نبدأ بحرف(ث) حرف الثاء له نطقين إما (تاء) أو (سين)
مثلاً : ينطق(ت) : في كلمة : ثلاثة << تلاتة ،، ثوم << توم ،، ثور << تور ،، كثير << كتير .. الخ

ينطق(س): في كلمة : ثروة << سروة ،، ثبَّت << سبَّت ،، هيثم << هيسم ،، عثمان << عسمان ،، ثريا << سريا ،، مثلاً << مسلاً .. الخ

ينطق(ت) أو (س) معاً: في كلمة : أثر << أسر أو أتر << عند العجايز أكتر

أما حرف(ذ) فكمان له نطقين إما (دال) أو (زاي)

مثلاً : ينطق(د): في كلمة : ذهب ، ذهبي << دهب ، دهبي ،، نذالة << ندالة ،، ذئب << ديب ،، ذباب << دبانة ،، هذه (هذي) << هدي (هادي) .. الخ

ينطق(ز): في كلمة : ذوق << زوق ،، ذرَّة << زرَّة ،، بذر(بذور) << بزر .. الخ

ينطق(د) أو (ز) معاً: في كلمة : كذّاب (كذّابة) << كدّاب (كدّابة) أو كزّاب (كزّابة) << عند البعض ..

طبعاً هادي بس أمثلة جات على بالي وفي كتير غيرها، وطبعً صعب نطقها للي مو متعود عليها!!

وكتير كلمات أو طريقة نطق تختلف من بيت لبيت وحسب التربية والشخص مو متعود، بس عموماً اللهجة واحدة.

ودحين نبدأ في بعض ما تختص بيه لهجتنا الحجازية الغالية :<< منقول + اضافات وتعديلات من عندي باللون البنفسجي

1- مصطلحاتنا :

في كثير منالمصطلحات الحجازية اللي من الصعب انه أي واحد غير حجازي يفهمهاواتفضلوا هاديبعضها:

دحين --->الآن

روق ---> ريح يعني روق اعصابك (وفي ناس كتيريقولو روق المنقا والمنقا هيا المانجو بس بالحجازي والقصد انو تروق دماغك ^^)

استنى --->انتظر ومنها تجي تصريفاتها مستنيوبأستنى ..

دوبي , دوبني --->معناها لسهدوبي سويت هادا الشي يعني مسلا دوبي رجعت من السوق يعني قبل شويه رجعت من السوقأو بالخليجي ( توي)

لسه , لساع --->يعني ماسويت هادا الشي للآن^^

ابغى أو بدي --->أريد وممكن تختصروتسير بدل ابغى أبى مو أبي لا أبي حقت النجديين والخليجين بس أبى بالألف المقصورةمن باب التخفيف شلنا حرف الغين لأنه تقيل ع اللسان ^^

امكن , بلكن --->يمكن، وكمان تقال (يمكن)

طرطوش , طرطوشه ---> وهادي صفة معناها درويش او مايعرف يتصرف وسايرمخفه << صراحة ما استعملها

الصمرقع --->يعني لمن نقول جبلي ( جابلي ) الصمرقع يعني جبلي القرف والهجوله

مخمج , مقطن ---> يعني معفن وطلعت ريحته

خنفشاري --->معنها شي رهيب وحلو وغريب كدا^^<< برضه ما استعملها

ازهمي --->معناها نادي

مفصعنه --->متفشخره و مدلعه بزياادهوامكن تجي (لما تكون عن بنت صغيره) قويه المهم صفه مو حلوه ^^

ادّيني --->ناولني او اعطيني

ودّيني ---> يعني وصلني ومنها تجي تصرفيات ودّاكي .. مسال : مين ودّاكي اليوم ؟ ودانياخويا ^^

اتلحلح --->يعني اتشطر اواتحرك

هرجه --->موضوع نهرج فيه يعني نتكلم فيه

خُــش ---> ادخل

وَش , جمعها وشوش^^ ---> وجه , وجوه

مغراف ---> يعني شي ينغرف فيه يكون اممم يعني وعاء كداكبير

قونيلا ---> ومعناها تنوره<< هادي استعملها على طوول

دِفِـش --->يعني عفش وعكس ناعم

سييب , سيبو --->اتركه

عبال . عبالو --->في الوقت الذي .. مسلا اقول عبال ما تخدلك دش اكون سويتالغدا زي في الوقت اللي انت تاخدلك فيه دش اكون سويت الغدا

اتشعبط --->اتسلق

لوتنطنط , لو تسير عشره , لو وقفت على يدك ---> يعني من سابع المستحيلاتمسلا والله ما اخرج معاكي لو تنطنطي ^^

خخخخ ضحكتني

تتريق ---> يعني تستهزئ أو تتمسخر

استيته ---> يعني أخت كبيرة أو أمرأة أكبر مني ما يصير أناديها باسمها زي مرت عمي مسلاً .

ست هانم---> عادة تجي تريقة عاللي شايفة نفسها .. بس هانم أساساً معناها يعني ست محترمة أو (ليدي)<< أصلها كلمة تركية

وفي كلمه دايماً دارجه على اللسانالحجازي لمن يشوف شي ما عجبواو فيه غلط ولا في حاجه نقول وه يا ندامه ^^ يعني ياندامه على اللي شفتو !!<< برضه مو كتير اسمعها ولا استعملها (أكتر شي في الكبار والعجايز)

اندر بره :اخرج

اديلو : اعطيه

( الدهليز :مدخل البيت، الكرتة :الفستان، الكنتره :الجزمة اكرمكمالله، القنعه :العبايه، الكرويتة :دكة خشبية، الزقاق :الشارع الضيق) << كلمات قديمة جداُ عادة نسمعها من العجايز ..

دندرمة :ايس كريم و تراها مي سبّة تراها كلمه معروفةجداً، وبعد دخول التطور إلىالحواري المكّاوية أصبحت تعرف بالآيس كريم << أصلها كلمة تركية

دحديرة : نزلة او منحدر
الدبش :اغراض العروسة قبل لا تتزوج
القابلة : بكره =اللي تولد الحوامل
المملك : المأذون الشرعي
الدقيسي :الفراغ اللي تحتالدرج أو المخزن << صراحة ما اعرفها

المرقعة : الدلع والمياعه في الكلاموالتصرف
اللغوصة :نقل الكلام وتسبيب المشاكل،، أو أقول اتلغوصت يعني اتوسخت
الدحلسة :اذا كنت بتتمصلح مع واحد عشان تبغى منه شيتقول يدحلس .<< مو شرط ، لأنه اكتر تجي لما مسلاً بيبي يبكي نقول دحلسه يعني لعبه واجلس معاه عشان يسكت .

هججوني :ازعجوني،، أو شردوني ،، جابولي الجنان
قوامن :بسرعه , حالاً
مضليون :طبعاً الكلمة هذي تحفة اللهجة المكاوية، وكانت النساء تتفاخر بمن تملك
فيهن مضليون و المضليون هو البروش الألماس
الحرمصة:يقولك في غابر الغابرين ( واحد متحرمص على نتيجته) والمعنى العلمي لها
هو عدمالاستقرار النفسي أو انتظار الشيء على أحر من الجمر
المرمشه:بفتح الميمين هي نهش ما على العظام من اللحم، أو نهش ما على أي شيء من أي شيء
العكننه :وهي التنكيد على شخص معين،
و في مصطلحات كتيرررررررررر غيرها .

كمان الحجازيين فيهم اخلاق و احتراممافي بعدها

لما يطلب منك سكينه ايشيقول ؟
يقولك الله يخليك اديني سكينة في قلب العدو
لما يقلك كنت بأكل
يقلك كنت ب أتعشى مثلاً فضله خيرك

^^ يــتــبــع

الجوهرة اللامعة · 25-12-07, 07:45

2-أمثال حجازية : << منقول

إذا جيت رايح كتر من الفضايح.

او إذا جيت رايح كتر منالملايح

بعد ما أكل واتكا قال ريحته مستكا.

حاجه ما تهمك وصي عليها جوزأمك.

ست وجاريتين على قلي بيضتين.

أعمى ويلضم خرز.

دلع الكبار زي الشقدف على الحمار

يضرب هذا المثل لخروج العجوز عن وقاره وجديته

(والشقدف عشان الاسئلة بس:ما كان يوضع على الجمل ليجلس فيه المسافرون)

اللي ماله أم حاله يغم.

كنس بيتك ورشُه ما تدري مين يخشوا.

الخايبه تتعلق بالحبال الدايبة.

أهري وانكتي يا جاره وأنا ثابته زي العماره.

لا تقرصيني يا نحله ماأبغالك عسل..

يحسدوا الفقير على موتة الجمعه

سكتنا له دخل بحمارووو

مايقدروا على الحمار يقدروا على البردعة

اذا حلقوا لغيرك بل راسك واستنىالبيض الفاسد يدحرج على بعضه

اذاتعاندوا الحمير يا بخت الركاب

البيضه ما تخابط حجر

حبيبك يمضغ لكالزلط وعدوك يعد لك الغلط

حمارتك العرجة تغنيك عن سؤال اللئيم

داخللبيت العروسه نادر من بيت العريس

ياريتني بيضه وعرجه اصلوا البياض فرجه(بضم الفا).

يااخد القرد بماله يروح المال ويبقا القرد على حالوالله منمحبته في عبيدو جعل العمر والرزق بيدو.

اللي يشوفني بعين اشوفوا باتنين.

مين يشوفك يالي في الضلام تغمز

على قد زيتوا سرجلوا

ماتعرف خيري لين ماتجرب غيري

عقربة في الغار ولا ضُرة في الدار

فقير اتجوز فقيرة خلفوا وجع القلب

كبيرهم فلفل وصغيرهم زنجبيل واللي في الكوفلة يقول من العايدين

خاتم بفصو وكل شيء ترصوا

خشوني لاتنسوني ولعوا الشمعة وشوفوني

عمية تحفف مجنونة وتقولها حواجبك سودا ومقرونة

الصرمة والقبقاب صاروا أصحاب

يا داق الموية في المهراس يا مربي وليد الناس

كل عيش البخيل ولا تأكل عيش المنان

أدب ولدك وان زعلت امه

يابخت من بكاني وبكى الناس عليه ولا من ضحكني وضحك الناس عليه.

رضينا بالهم والهم ما رضي بينااتملت العدوة وقلتالمروه

أكلوا الملوخية وصاروا أفندية

لمن كنا ما كانوا ولمن رقدنا قاموا

قالوا متى طلعت القصر قالوا أمس العصر

العروسه للعريس والجري للمتاعيس

سلامتك والهيل والقرنفل قمامتك

اللي يشيل قربه مخروقه تنقطعلى راسه

الحجر من الارض والدم من راسك

أخوانك من أمك زي الدهب في كمك و أخوانك من أبوك زي القوم لما ينهبوك

من بيت أصقع لبيت أرقع

مطبق العاده و معصوب كل يوم

في كل محضر بالتوبالاخضر

باب المجلس يقول باب السطوح .. اللي يجي يجي .. واللي يروح يروحخليها في القلب تجرح و لاتخرج بره ترمح

الحر من غمزة والحمار من رفزه
(يضرب هذا المثل لايضاح الفرق بين النبيه والبليد. )

حمار الحكومة حكومة
)يضرب هذا المثل للموظف الصغير المتسلط على الناس(

خطبوها اتعززت تركوها اتندمت

(يضرب لمن يتظاهر بعدم الرغبة حينما يعرض عليه امر ولكنه يندم بعد فواتالاوان(

كل حبه مسوسه لها كيال اعور

قلبي على ولدي انفطر وقلب ولدي علياحجر.

ارضى بقردك لايجيك اللي أقرد منوو

الحب عياقة ...توببلا ياقة

^^ يــتــبــع

الجوهرة اللامعة · 25-12-07, 07:49

3- اشياء و تراجمها : << منقول

بيت الما:وهو ما يعرفحاليا (بدورة المياه) وقد سماه الجيل الصاعد الجداوي الآن
(الطهارة) وقد وردانه تم التسمية هذه على أساس انه مكان كبير في البيت يوجد فيه
الماء فسمي بـبيت الما.

المركّب: بتشديد الكاف، وهو ما يسميهجميع الناس الآن (المطبخ) والى الآن يعتبر علماء
اللغة العربية هذه التسمية منعجائب التسميات لأنه لا يوجد سبب معروف للتسميه
هذه إلى الآن!!!!

الدقيسي:بتشديد الدال وكسرها وكسر السين، وهو ما يعرف بالمستودع، يقول الكاتب
المكاوي (محمد يواد فلاته) أن التسمية تعود إلى الحرب العالميةالأولى حيث استخدم
أول مره كمخزن للذخائر وسمي في مكة بالدقيسي ، وقد قام جيل 2000 من شباب
وشابات مكة بتسميته بالمخزن بدافع التطور.

القرندي:بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب الجدااوي لابنه فعندمايناديه ويتأخر 3 ثواني يقله
بسرعة عساك القرندي<< من زمان أما دحين لأ
ويفسر علماء الجن أنالقرندي نوع من أنواع الجن وببساطه يدعي الأب على ابنه
بالقرندي <<شفتواللطافه.

الفقده:مفعول عشانه من فعل يفقد، وهذانوع آخر من أنواع المداعبة وهي الخاصة بالأمالمكاويه.
حيث تداعب أولادها بـتعال الله يفقدك << من زمان أما دحين لأ

توتوا:وهو نوع من أنواعالمعادن المكتشفة في الاوديه الجداويه. ويستخدمونها المكاوية والجداويين فيتصنيع نوعين من الأشياء اللي تنحط فيها مويه للشرب وهو ما يسمونها الكاسه

المغراف:هو نوعمن أنواع الكاسات التوتوا ، في حين انه تمت إضافة معلومة من علماءالجنالمذكورين سابقا
انه في مرة من المرات قامت أم تداعب ولدها لصغير (الشقي) اللييلعب يالمغراف
وقالتله الله يفقدك بس
وبعدين قالت خلاص يامغراف خده وفي لمحالبصر اختفى الولد ، والمغراف هو نوع من أنواع الجن
وكان بالصدفة متواجدفي جده ومكه هذا الجني ههههههههههههههههههههه

على طبطابي .. :يعني على مزاجي

مِرَسْتَكَه ..:يعني متأنتكه يعني مرة شياكة .. ومرتبّة

وايق : .... يعني طالع ....

أهبدّك : يعني أضربك ضرب قوي وأبهدلك

تزل ... :يعني تمر

مرحبمبك ... :يعني مرحبا بك .. بس باختصار شوية

باطِرمَة ... :يعني جلسة أرضية ( كنب منخفض قريب من الأرض )

كَرَاوِيتَه : ... حاجة خشب كده ... يحطوا عليها الباطرمة ....

مَدَارِيْه : ...... مراجيح ...

ندرت عينك من حُقّها ... :يعني خرجت عينك منمحلها .... كده ::]

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟

قيّسْتَك : ... يعني حسّبتك .... توقعتك .... هقيتك

بُخْنُق ... :اللي يتلبس في الراس ويكون مخيّط على قده .... :

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب
في المداريه ) ؟؟ :-

دهليز :يعني سيب يعني محل كده زي اللي يكون قدام ابواب
العمايرمن جوّه

زنبيل : ... يعني كيس

زلطة : .... سَلطة بعدالتعديل ...

يدعك : ... يعني يفرك ...

^^^ أغلبها ( مو كلها ) أصبحت نادرهـ وعادة عند العجايز ..

بس عموماً هادي لهجتنا الأصلية وأي أحد يقول غير كده أكيد بيكون أتأسر باللهجات الأخرى سواءً في المدرسة أو أي مكان تاني ، وكمان زي ما قلت في اختلافات بسيطة من بيت لبيت ..

وبس

أتمنى الموضوع ينال إعجابكم

N O R - 3 N Y · 25-12-07, 09:54

اقتباس:

دحين --->الآنبلكن --->يمكن، وكمان تقال (يمكن)طرطوش , طرطوشهخنفشاريمفصعنهدندرمة

اقتباس:

كنس بيتك ورشُه ما تدري مين يخشوا.
عقربة في الغار ولا ضُرة في الدار
أكلوا الملوخية وصاروا أفندية

العروسه للعريس والجري للمتاعيس

سلامتك والهيل والقرنفل قمامتك
أخوانك من أمك زي الدهب في كمك و أخوانك من أبوك زي القوم لما ينهبوك
خطبوها اتعززت تركوها اتندمت

اما هاللغه تحفه عجبتني

ومره واحد لما كنا بسوق
طلع قدامي والتفت علي يقلي لو سمحت هات الزنبيل

انا ؟؟؟

يقلي الزنبيل لو سمحت
وانا مو فاهم وش يقول شوي استوعبت قصده الكيس

يسلمك ربي ع اللغه الخنفشاريه لوووول