.. .. ..
(( قبـل الرحيـل ))
،، ،، ،،
ياحبيبي حان وقتي للرحيل
مايفيد الهرج لامات الغلا
رح ودور لك مع العالم بديل
يرضى غلطاتك ويمنحك الولا
أسألك بالله ,, هرجك لايطيل
ثم أجيب العيد قدام الملا
الصبر ماعاد له عندي مقيل
عهدي به يوم إنسدح وسط الخلا
أدري اني بالهوى مالي مثيل
دايم أقابل ذنوبك في هلا
كم عطيتك مير مافاد الجميل
ليه احط الطيب في قلبٍ سلا
جيتلك جالي وأدور لي دخيل
يادخيلي كيف تنكر من جلا
غلطتك هذي علّي أكبر دليل
إن قلبك فالمحبه ما امتلا
هذا ماعندي قبل وقت الرحيل
ما يفيد الحب (( لامات الغلا ))
.. .. .. ..
منقوله الشاعر فهد الديحاني
،،، استودعكم الله ،،،